Talaado, Agoosto 25, 2020 (HOL) - Ciidamada xoogga Soomaaliya ayaa sheegay in howl-gal ka dhan ah Al-shabaab ay ka billaabeen deegaanno hoostaga maamulka Hirshabeelle.
Taliyaha guutada 16-aad Cabdimaalik Macallin ayaa Isniinta maanta ah u sheegay Warbaahinta in ciidamada dowladda ay u diyaaraanyihiin howl-galkaas, xilli maalmihii lasoo dhaafay weerrada Al-shabaab ka geysanayaan Hirshabeelle ay sare usii kacayeen.
"Waxaan howl-gallo ka sameynay Jubaland, Galmudug iyo Koonfur galbeed, hadda waxaan billaabeynaa Hirshabeelle" ayuu taliye Cabdimaalik Macallin u sheegay Warbaahinta.
Howl-galka ayeey ciidamada billaabayaan xilli ammaanka waddada xiriirisa Jowhar iyo Muqdisho laga deyrinayo
Al-shabaab ayaa horay u sheegtay dilkii Jowhar loogu geystay wasiirkii beeraha maamulkaas Cabdikhaadir Karaani, sidoo kalana ahaa xildhibaan Baarlamanka Hirshabeelle ka tirsana.
Howl-galkaan ayaa sidoo kale kusoo aadaya xilli dowladda dhexe ee Soomaaliya iyo Hirshabeelle ay isku diyaarinayaan doorasho
Abdiaziz Ahmed Barrow, Hiiraan Online
[email protected]