Khamiis, April, 28, 2022 (HOL) - Madaxweynaha Somaliland Muuse Biixi Cabdi oo ka hadlay wareegtooyin iska hor imanaya oo shalay kasoo baxay guddida doorashooyinka, ayaa ugu baaqay in ay khilaaf kooda ku dhamaystaan sharciga.
Wareegto uu ku saxeexanyahay Wasiirka Warfaafinta Dhaqanka iyo Wacyigalinta Somaliland Saleebaan Yuusuf Cali Koore, ayaa lagu sheegay in madaxweyne Biixi uu 27 Abriil kulan la qaatay xubnaha guddida doorashooyinka isla markaana, uu ugu baaqayo in ay xalinta khilaafkooda ku dhamaystaan sharciga.
Baaqa madaxweynaha ayaa yimid kadib markii 27 Abriil, ay soo baxday wareegto sheegaysa in guddoomiyaha guddida Cabdirashiid Maxamuud Cali (Riyo-raac), xilkii lagaga qaaday cod gacan taag ah oo xubanaha guddidu qaadeen, isla markaana guddoomiye loo doortay Kaltuun Sh Xasan Cabdi, intaa kadibna uu guddoomiye Riyo-raac soo saaray qoraal uu ku beeninayo xil ka qaadistiisa.
Hadaba qoraalada is burinaya ee kasoo baxay xafiiska guddida doorashooyinka, ayaa daaha ka qaaday khilaaf ka dhexeeya xubnaha guddida, oo ku aadan cida hogaaminaysa.
Hoos ka akhriso baaqa madaxweynaha oo faah faahsan:-