Soomaalida dalka Ireland oo ka cabanayo lacag dulsaar oo looga qaato baasaboorka Soomaalida
Danjire Yonis Xaashi, Safiirka Soomaaliya ee dalka Belgiumka
Axad, Luulyo, 2, 2023 (HOL) -Soomaalida ku nool dalka Jamhuuriyadda Ireland ayaa ka cabanaya lacag dul saar ah oo ay
sheegeen in looga qaato marka ay baasaboorka Soomaaliga dalbanayaan.
Qaar ka mid ah Soomaalida ku nool dalka Ireland oo lasoo
xiriiray HOL ayaa arrintan ku eedeyey shaqsiyaad uu hormuud u yahay safiirka
iyo xubin ka socta Waaxda Jinsiyadaha iyo Socdaalka ee Safaaradda Soomaaliya ee
dalka Belgium-ka.
Safiirka Soomaaliya u fadhiya dalka Belgium danjire Yoonis Xaashi oo soo gaaray magaalada Dublin si uu Soomaalida ku nool dalkaas uu ugu
sameeyo Baasaboorka Soomaaliya ayaa lacag dheeraad ka qaadayo qiimaha
baasaboorka oo gaarayo ilaa iyo €550 ama lacag badan $600.
“In lacago dul saar ah oo aan qasnadda dowladda ku dhaceyn
na laga qaado, waxaan dhihi karnaa waa musuq-maasuq,” ayuu yiri Yusuf Axmed oo ka mid ah dad dhowr ah oo
lacagahaasi la waydiistay.
Warar kale oo dheeraad ah ayaa sheegayo in Danjire Yonis
Xaashi oo sana wood u laheyn in yimaado dalka Ireland danjire ahaan, laakin uu
ku yimid si aan waafaqsaneyn sharciga u dhigan dalka Ireland.
Ireland oo ah wdadan ay Soomaalida aad ugu yar tahay marka
la barbar dhigo waddamada kale ee Yurub ayaanan laheyn wax safaarad ama
qunsuliyad ah, mana ka jirto Jaaliyad Soomaaliyeed oo shaqeeysa, waana
arrintaas sababta u fududeysay in shaqaiyaad gaar ah ay dadka baasaboor doonka
ah ka qaataan lacago dheeraad.
