Hiiraan Online

 

Arbaco, November, 27, 2024 (HOL) - Maxkamadda gobolka Banaadir ayaa goordhaw soo saartay waaran lagu soo xirayo Axmed Maxamed Islaam, Axmed Madoobe oo 25-kii bishaan dib loogu doortay madaxweynaha maamulka Jubbaland, kadib doorasho ka dhacday magaalada Kismaayo.

War qoraal ah oo kasoo baxay Maxkamadda gobolka Banaadir ayaa lagu faray taliyaha ciidanka Booliiska Soomaaliya Jeneraal Asad Cabdullaahi Cismaan inuu soo xiro Axmed Madoobe, islamarkaana si deg deg ah  u horgeeyo Maxkamadda gobolka Banaadir.

Maxkamadda gobolka Banaadir ayaa qoraalkeeda ku sheegtay in amarkan lagu soo saaray codsi ka yimid Xafiiska Xeer ilaaliyaha guud ee Qaranka, kaasoo Axmed Madoobe ku eedeyay inuu galay dambiyo waa weyn oo ay ka mid yihiin Khayaano Qaran iyo falal liddi ku ah midnimada Qaranka Soomaaliyeed.

Lama oga sida uu ku dhaqan gali doono amarkaan kasoo baxay Maxkamadda gobolka Banaadir ee la xariira in lasoo xiro Axmed Madoobe oo markii sadaxaad loo doortay inuu noqdo madaxweynaha Jubbaland ee shanta sano ee soo socota.

Hoos ka akhriso amarka Maxkamada gobolka Banaadir oo dhameystiran:-